La carrera pedestre de Amaía cambia Santa Minia por el parque de Pedrouzos

 

17/09/2021 - La Voz de Galicia

El protocolo anticovid establecido para este tipo de pruebas limitará a 400 plazas los participantes en las categorías adultas

El Concello de Brión, en colaboración con el Club Deportivo Brión Hyupersa Santiago, organiza la edición número 38 da la carrera pedestre da Amaia, que tendrá lugar el sábado 2 de octubre, a partir das 17.00 horas. Después de descansar un año por las restricciones impuestas por la pandemia del covid-19, la prueba presenta un gran cambio. Se disputará en las inmediaciones del parque de Pedrouzos (al lado del campo municipal de fútbol de Brión) y no en la carballeira de Santa Minia.

La carrera se desarrollará bajo el protocolo anticovid establecido para este tipo de pruebas, lo que limitará a 400 plazas los participantes en las categorías adultas, así como a 50 plazas en cada una de las otras categorías (sub 8, sub 10, sub 12, sub 14 y sub 16). La carrera es una prueba oficial de la Federación Galega de Atletismo, con distancia no homologada, y bajo el control técnico del Comité Galego de Xuíces.

La organización diseñó este año un nuevo circuito, mucho más rápido, con poca dificultad técnica y más vistoso que en ediciones anteriores. Será un circuito de cinco kilómetros (98 % asfalto y 2 % tierra en buen estado), completando un total de 9,5 kilómetros. Las pruebas infantiles tendrán lugar en Pedrouzos.

A XXXVIII Carreira Pedestre da Amaía muda Santa Minia polo parque de Pedrouzos


15/09/2021 - Lindeiros

O Concello de Brión, en colaboración co Club Deportivo Brión Hyupersa Santiago, organiza a 38 edición da Carreira Pedestre da Amaia.

A proba terá lugar o sábado 2 de outubro, a partir das 17:00 horas. Despois de descansar un ano por mor das restricións impostas pola pandemia da Covid-19, a Carreira Pedestre da Amaía disputarase nas inmediacións do Parque de Pedrouzos (a carón do campo municipal de fútbol de Brión) e non na Carballeira de Santa Minia.

A carreira desenvolverase baixo o protocolo Anticovid-19 establecido para este tipo de probas. Limítase a 400 prazas onúmero de participantes nas categorías adultas, así como a 50 prazas en cada unha das outras categorías: sub 8, sub 10, sub 12, sub 14 e sub 16. A carreira de Amaía é unha proba oficial da Federación Galega de Atletismo, con distancia non homologada, e baixo o control técnico do Comité Galego de Xuíces da Federación Galega de Atletismo.

A organización da proba deseñou este ano un novo circuíto moito mais rápido, con pouca dificultade técnica e moi vistoso ca en edicións anteriores. Un circuíto de 5 km (98% asfalto e 2% terra en bo estado), completando un total de 9,5 km. As probas infantís terán lugar por primeira vez na contorna do Paseo de Pedrouzos.

As inscricións na XXXVIII Carreira Pedestre da Amaia poderán formalizarse ata as 14:00 horas do vindeiro 29 de setembro e unicamente de forma telemática a través da web www.carreirasgalegas.com. As inscricións dos adultos custarán 5 euros, mentres que as dos menores de 16 anos son de balde.

Máis de 1.000 euros en premios

A carreira repartirá mais de 1.800 euros en premios e agasallará a todas as persoas participantes con camisetas técnicas conmemorativas. Haberá trofeos e premios en metálico para os tres primeiros homes e as tres primeiras mulleres en cruzar a liña de meta na proba absoluta: 250, 200 e 150 euros, respectivamente. Tamén haberá trofeos para os tres primeiros homes e mulleres empadroados en Brión, así como para os primeiros clasificados das 8 categorías establecidas. Os premios non serán acumulativos, exceptuando os correspondentes aos empadroados en Brión.

A Carreira Pedestre da Amaia é unha das probas atléticas máis importantes do panorama galego. Con 36 anos de antigüidade, é unha proba de referencia na comarca de Santiago que ten lugar todos os anos xusto despois da tradicional Romaría de Santa Minia.

A XXXVIII Carreira Pedestre da Amaía terá lugar o 2 de outubro

 
15/09/2021 - El Correo Gallego

Cambia a Carballeira de Santa Minia polo parque de Pedrouzos, con límite de prazas

O Concello de Brión, en colaboración co Club Deportivo Brión Hyupersa Santiago, organiza a 38 edición da Carreira Pedestre da Amaia, que terá lugar o sábado 2 de outubro, a partir das 17.00 horas. A proba presenta un gran cambio: disputarase nas inmediacións do Parque de Pedrouzos (a carón do campo municipal de fútbol de Brión) e non na Carballeira de Santa Minia.

A carreira desenvolverase baixo o protocolo anticovid-19 establecido para este tipo de probas, o que limitará a 400 prazas os participantes nas categorías adultas, así como a 50 prazas en cada unha das outras categorías: sub-8, sub-10, sub-12, sub-14 e sub-16. A carreira é unha proba oficial da Federación Galega de Atletismo.

A organización da proba deseñou este ano un novo circuíto máis rápido e vistoso, de 5 km (98 % asfalto e 2 % terra en bo estado), completando un total de 9,5 km. As probas infantís terán lugar por primeira vez na contorna do Paseo de Pedrouzos.

As inscricións na XXXVIII Carreira Pedestre da Amaia poderán formalizarse ata as 14.00 horas do vindeiro 29 de setembro e unicamente de forma telemática a través da web www.carreirasgalegas.com. As inscricións dos adultos custarán 5 euros, mentres que as dos menores de 16 anos son de balde.

 

Nuno Costa e Mónica Gutiérrez triunfan na Pedestre da Amaía


07/10/2019 | El Correo Gallego

Récord de participación: 529 atletas en Brión // Percorrido máis seguro para os 334 escolares.

O portugués Nuno Costa (Tambre Bike & Runnig), por segundo ano consecutivo, e a extremeña Mónica Gutiérrez Pagador proclamáronse gañadores da XXXVII Carreira Pedestre da Amaia (Brión). Unha proba disputada na tarde-noite do sábado e que rexistrou o seu récord de participación: 529 atletas, 98 máis ca na edición anterior e case o dobre do rexistrado hai tan só cinco anos. Un récord que xa se albiscaba co peche das inscricións (569), pero é que ademais o tempo acompañou e fixo que o índice de baixas fose mínimo.

O luso afincado en Oroso, Nuno Costa, que partía como gran favorito a revalidar o seu título, fixo bos os pronósticos e levou con autoridade a vitoria cun tempo de 30 minutos e 14 segundos, rebaixando en 1.12 o tempo co que gañara na edición de 2018... tempo no que chegou o segundo clasificado, o leonés Sergio Sánchez Martínez (31.27). Completou o podio o pontevedrés Jorge Puig Malvar. O sub-23 do Club Atletismo Santiago cruzou a meta da Carballeira de Santa Minia a tan só cinco segundos de Sergio: 31.32.

Na categoría feminina gañou Mónica Gutiérrez Pagador, que cruzou a meta no posto 11 da proba asboluta cun tempo de 34 minutos e 14 segundos, un minuto menos que o tempo marcado pola gañadora da proba en 2018. Segunda foi a pontevedresa Leticia Fernández Barbosa (Valencia CF SAD) con 36.00, posto 34 da xeral. terceira foi a atleta de Mazaricos Rocío Alvite Ferreiro, do Club Atletismo Sar Vermú Petroni, cun tempo de 37.19.

Os atletas deron dúas voltas a un circuíto de 4,75 quilómetros, o 98% asfaltado: 9,5 quilómetros.

TROFEOS. O alcalde de Brión, José Luís García, deu a saída e presidiu o acto de entrega de trofeos, deseñados polo prestixioso ceramista Nano Unzueta, aos seis vencedores absolutos e aos tres primeiros clasificados de cada categoría.

Houbo medallas para os 334 participantes nas categorías pitufo a sub-16, o dobre que na edición anterior. Unhas probas que este ano tiveron lugar por primeira vez nunha pista próxima á carballeira, para mellorar a seguridade dos atletas.

PREMIOS LOCAIS

Os mellores Os tres primeiros brioneses foron Miguel Penedo, posto 16 na proba xeral (34.35). Tras el, José Antonio Vidal, do Noitebra (35.08, posto 21) e Pablo Lorenzo (35.38, 38). As tres primeiras brionesas: María Serramito (Unión Atlética Coslada), posto 96 con 42.48; Ana García Rieiro (51.54, recibiu o premio de mans de seu pai, o alcalde José Luís García) e Cristina Hernández (53.57).